ဆရာချစ်ဦးညို ၏ စာပေဟောပြောပွဲ

မြောက်ဥက္ကလာပ (ဈ) ရပ်ကွက် စာပေဟောပြောပွဲတွင် ပြောကြားခဲ့သော စာရေးဆရာ ချစ်ဦးညို၏ ပြောကြားချက်။
နန်နေမန်း ဘလော့မှ ယူပါတယ်...။
Chit Oo Nyo by Niknayman

READ MORE......

ဆရာဒကာတို့၏ အောင်ပွဲ (၂)

ကပ္ပိယဆန်းကြယ်

ဘာလိုလိုနှင့် တောင်ကိုရီးယားနိုင်ငံ၊ ဒယ်ဂူးမြို့ရှိ စိတ္တသုခ မြန်မာဘုန်းတော်ကြီးကျောင်း တည်ထောင်လာခဲ့သည်မှာ (၂)ပင် ပြည့်မြောက်ခဲ့ပြီ ဖြစ်ပါသည်။ တိတိကျကျပြောရလျှင် ၂၀၀၉ခုနှစ် ကိုရီးယားနိုင်ငံ နှစ်သစ်ကူးနေ့ (၂၉-၁-၂၀၀၉)က စတင်ဖွင့်လစ်ခဲ့သည် ဤကျောင်းတော်သည် ၂၀၁၁ခုနှစ်၏ ကိုရီးယားနိုင်ငံ နှစ်သစ်ကူးနေ့တွင် (၂)တင်းတင်း ပြည့်မြောက်ပြီး ဖြစ်ပါသည်။ (၂)နှစ်ဟူသည့် ကာလသည် သိပ်မကြာလိုက်ဟု ထင်ရသော်လည်း ဖြတ်သန်းခဲ့ရသည့် အတွေ့အကြုံများကား များပြားလှပါသည်။ တောင်ကိုရီးယားနိုင်ငံ အောက်ပိုင်းတွင် ရောက်ရှိနေကြသည့် မြန်မာများ၏ သာရေးနာရေး လူမှုရေးများတွင် အကူအညီအထောက်အပံ့ ဖြစ်စေရန်နှင့် မြန်မာရှိလျှင် ဘုန်းကြီးကျောင်းရှိမှ ပြည့်စုံသည်ဟု ခံယူထားကြသည့် မြန်မာတို့၏ သဒ္ဓါပြယုဂ်တစ်ခုအဖြစ် တည်တံ့စေရန် ရည်စိတ်သန်၍ တည်ထောင်ခဲ့သည် ဤကျောင်းတော်သည် ထိုရည်မှန်းချက်အတိုင်း တစ်နိုင်တစ်ပိုင် လျှောက်လှမ်းလာနိုင်ခဲ့ပြီ ဖြစ်ပါသည်။

စတင်တည်ထောင်ခဲ့စဉ်က ပါဝင်ပံ့ပိုးခဲ့ကြသူများတွင် အချို့သူများသည် မြန်မာနိုင်ငံတွင် ပြန်ရောက်၍ ဆိုင်ရာလုပ်ငန်းများဖြင့် လှုပ်ရှားမှုများ ရှိနေလင့်ကစား ဒယ်ဂူးမြို့တွင် ကျန်နေခဲ့သည့် ကျောင်းတော်ကြီး၏ သက်ဝင်လှုပ်ရှားမှုများကား အသစ်အသစ် လက်ဆင့်ကမ်းမှုများဖြင့် အရှိန်အဟုန်မြင့်စွာ လည်ပတ်နေပြီ ဖြစ်ပါသည်။ ဆရာနှင့်ဒကာ အပေးအယူမျှစွာဖြင့် တာဝန်ကိုယ်စီ ကျေပွန်နေသည့် ဤကျောင်းတော်သည် ရောက်လာသူများအား ကျောင်းရိပ်ကန်ရိပ် အေးချမ်းရိပ်ကို ပေးစွမ်းပေးနေနိုင်ရုံမျှမက ကိုရီးယားနိုင်ငံသား ဧည့်သည်များကိုပင် မြန်မာများ၏ ဘုန်းတော်ကြီးကျောင်း၊ မြန်မာများ ကိုးကွယ်ထားသည့် ကျောင်းထိုင်ဆရာတော်၊ မြန်မာများ၏ သာရေးနာရေး လူမှုရေးများနှင့် ကုသိုလ်ရေးများ ပြုလုပ်ရာ နေရာဌာနတစ်ခုအဖြစ် ဂုဏ်ယူဝင့်ကြွားစွာ ပြသနိုင်နေပြီ ဖြစ်ပါသည်။

ကျောင်းထိုင်ဆရာတော်၊ ကျောင်းအကျိုးဆောင်အဖွဲ့၊ ကျောင်းဒကာဒကာမများ စသည်ဖြင့် အမည်နာမ အသီးသီးတပ်ထား ကြသော်လည်း အားလုံး၏ စိတ်ဆန္ဒကား ဤကျောင်းတော်ကြီး ရေရှည်တည်တံ့နေရေးနှင့် သာရေးနာရေး လူမှုရေများတွင် အတူတကွ ဝမ်းမြောက်ဝမ်းသာ ဆောင်ရွတ်နိုင်ရေးပင် ဖြစ်ပါသည်။ ထိုတူညီသည် ဆန္ဒအတိုင်းပင် ဆရာတော်၏ ဦးဆောင်မှု၊ ကျောင်းအကျိုးဆောင်များ၏ လှုပ်ရှားမှု၊ ကျောင်းဒကာဒကာမများ၏ ပံ့ပိုးမှုများဖြင့် တစ်စိုက်မတ်မတ် ဆောင်ရွတ်နိုင်ခဲ့ကြသဖြင့် ယခုဆိုလျှင် ဤကျောင်းတော်၏ တည်တံ့ရေးမှာလည်း အားရဖွယ် ဖြစ်လာခဲ့ပြီး သာရေးနာရေး လူမှုရေး လှုပ်ရှားမှုများ အနေဖြင့်လည်း ကျောင်းတော်တွင် အမြဲမပြတ် ဆောင်ရွတ်မှုများ ရှိနေကြသည့်အပြင် မြန်မာပြည်တွင်သို့လည်း အခါအားလျော်စွာ အများပေါင်းစု၍ ကောင်းမှုများကို ပြုလုပ်ပေးပိုး လျက်ရှိပါသည်။ မြန်မာပြည်တွင်းရှိ လူမှုကူညီရေး အသင်းအဖွဲ့များ၊ အများပြည်သူ အကျိုးပြုလုပ်ငန်းများ၊ အရေးပေါ် သဘာဝဘေးဒုက္ခ ကြုံသူများ စသည့် အဓိကလိုအပ်ရာ နေရာများသို့လည်း ဆရာဒကာ ညီညွတ်စွာဖြင့် အများပေါင်းစုကာ ကောင်းမှုကုသိုလ်များ ပြုလုပ်ပေးခဲ့၊ ပေးစဲ၊ ပေးနေဦးမှာ ဖြစ်ပါသည်။ သာရေးနာရေးပွဲများ ပြုလုပ်သည့်အခါတိုင်း အောင်ပွဲတစ်ခုအဖြစ် ဖော်ပြရလျှင် အောင်ပွဲများ အမြောက်အများ ဖြစ်နေခဲ့ပြီ ဖြစ်သော်လည်း ကျောင်းတည်ထောင်ခြင်း အထိမ်းအမှတ် နှစ်ပတ်လည်တွင် ပြုလုပ်လှူဒါန်းသည့် အောင်ပွဲကြီးများကိုသာ ဆရာဒကာတို့၏ အောင်ပွဲအဖြစ် ရည်ရွယ်၍ ပြောကြမည် ဆိုပါက ယခုနှစ်၏အောင်ပွဲသည်ကား ဒုတိယမြောက် အောင်ပွဲကြီးပင် ဖြစ်ပါသည်။ ထို့ကြောင့် ကျောင်းတည်ထောင်ခြင်း (၂)ပြည့် အထိမ်းအမှတ်အဖြစ် ကျင်းပပြုလုပ်ခဲ့သည့် ယခုနှစ်၏ အလှူပွဲကိုကား ဆရာဒကာတို့၏ အောင်ပွဲ (၂)ဟု တင်စားဖော်ညွန်းပြခြင်း ဖြစ်ပါသည်။

ယခုနှစ်၏ အောင်ပွဲသည်ကား ထူးထူးခြားခြား ဓမ္မအလှူအောင်ပွဲအဖြစ် ဂုဏ်ယူဝင့်ကြွားနိုင်ခဲ့သည့် အောင်ပွဲတစ်ခုအဖြစ် ပြောနိုင်မည် ဖြစ်ပါသည်။ ကျောင်းတည်ထောင်ခြင်း (၂) ပြည့် အထိမ်းအမှတ်အဖြစ် ပြုလုပ်ခဲ့သည့် ဤအောင်ပွဲတွင် ဓမ္မဒူတဆရာတော် ဒေါက်တာအရှင်ဆေကိန္ဒကို ပင့်ဖိတ်လျက် အဝေးရောက် ဗုဒ္ဓဘာသာမြန်မာများအား တရားရေးအေး အမြိုက်ဆေးကို တိုက်ကျွေးခဲ့ပြီး မြန်မာများ၏ ဓမ္မပူဇာ အလှူတော်များကိုလည်း ဆရာတော် အရှင်ဆေကိန္ဒ၏ သာသနာပြု လုပ်ငန်းများတွင် ဆက်ကပ်လှူဒါန်းခြင်းဖြင့် ထာဝရ မပျက်စီးနိုင်သည့် အနုဂါမိက ရွှေအိုးကြီးကို မြုတ်နှံနိုင်ခဲ့ပါသည်။ မအားလပ်သည့်ကြားမှ ဘူးဖျောင်းရှိ ဓမ္မဒူတစင်တာသို့ ကြွရောက်ခိုက်နှင့် ကြုံလာခဲ့သည့် ဆရာတော် အရှင်ဆေကိန္ဒအား ကြိုတင်လျှောက်ထားကာ ဆရာတော်၏ ကြွရောက်ချီးမြှောက်မှုဖြင့် ကျင်းပပြုလုပ်နိုင်ခဲ့သည့် စိတ္တသုခ ကျောင်းဒကာဒကာမတို့၏ ဓမ္မပူဇာ၊ အာမိသပူဇာ အလှူသည်ကား အမှန်ပင် ဆရာဒကာတို့၏ အောင်ပွဲတစ်ခုပင် ဖြစ်ခဲ့ပါသည်။

ထိုအောင်ပွဲတင် ဓမ္မဒူတ ဆရာတော် ဒေါက်တာအရှင်ဆေကိန္ဒ၏ ဟောကြားဆုံးများမှုများသည် အလွန်ပင် တန်ဘိုးများခဲ့ပါသည်။ မအားလပ်သည့်ကြားမှ တရားတော်နာ ကြွရောက်လာခဲ့သည့် တရားနာပရိတ်သတ်များ၏ သဒ္ဓါတရား အားကောင်းမှုများကိုကြည့်ကာ ဆရာတော်မှ ဗုဒ္ဓဓမ္မ၏ လက်တွေ့အသုံးချမှုများကို ဟောပြောပြသ ဆုံးမတော်မူခဲ့ပါသည်။ ဒုက္ခဒုက္ခဟု အများက ငြီးနေကြရာတွင် ထိုဒုက္ခသည် မည်သူလုပ်၍မျှ ဖြစ်သည်မဟုတ်ဘဲ မိမိကိုယ်တိုင်လုပ်၍သာ ဖြစ်ခဲ့ခြင်းဖြစ်ကြောင်း၊ ထိုသို့ မိမိကိုယ်တိုင် လုပ်ခဲ့သည့် ဒုက္ခဖြစ်သဖြင့်လည်း ထိုဒုက္ခကို ကုစားရန်မှာ မိမိသာ ဖြစ်ကြောင်း၊ ကိုယ်ဒုက္ခဖြစ်လျှင် ကိုယ်နှင့်ပြင်၍ စိတ်ဒုက္ခဖြစ်လျှင် စိတ်နှင့်ပြင်ကာ ကြုံလာသမျှကို ဉာဏ်နှင့်ယှဉ်ကြရမှာ ဖြစ်ကြောင်း စသဖြင့် ဆရာတော်က ဆုံးမဟောကြားတော်မူ ပေးခဲ့ပါသည်။ လက်တွေ့အဖြစ်အပျက် လေးများဖြင့် ချိန်ထိုးကာ ဟောကြားချီးမြှင့်ပေးသွားသည့် ဆရာတော်၏ ဓမ္မဒေသနာတော်သည် စိတ္တသုခ ကျောင်းဒကာဒကာမများ၏ နှစ်ပတ်လည် အောင်ပွဲတွင် အထူးပနှံ တင့်တယ်ခဲ့ပါသည်။ ထို့ကြောင့် ကပ္ပိယတစ်ယောက် ဖြစ်သည့် ကျွန်တော့်အနေဖြင့် ထိုနေ့၏ နှစ်ပတ်လည်အောင်ပွဲကို ဆရာဒကာတို့၏ အောင်ပွဲဟု တင်စားပြောဆိုခြင်း ဖြစ်ပါသည်။

မည်သို့ပင်ဖြစ်စေ။ ဒယ်ဂူးမြို့ရှိ စိတ္တသုခ မြန်မာဘုန်းတော်ကြီးကျောင်းသည် အရှိန်အဟုန်ဖြင့် အောင်ပွဲအလီလီကို ဆောင်ကျင်းပေးနေမည်မှာ အမှန်ပင် ဖြစ်ပါသည်။ ဆရာဒကာတို့၏ ညီညွတ်မှုနှင့်အတူ ဦးဆောင်မှုလည်းကောင်း၊ ပံ့ပိုးမှုလည်းကောင်းနေခဲ့သည့် ကျွန်တော်တို့၏ ကျောင်းဆရာနှင့် ကျောင်းဒကာများသည် အမှန်ပင် အောင်မြင်နေပြီ ဖြစ်ပါသည်။ ထိုအောင်ပွဲနှင့် တစ်ဆက်တည်းပင် ဆရာတော် အရှင်ဆေကိန္ဒ၏ တရားပွဲအပြီး နှစ်ပတ်လည် အစည်းအဝေးကြီးတွင်လည်း စိတ္တသုခ ကျောင်း၏ ပဓာနနာယက ဆရာတော် မနာပဒါယီ အရှင်ဝိစိတ္တမှလည်း သြဝါဒစကား မိန်ကြားခဲ့ပါသည်။

ဆရာတော်က ယခုကဲ့သို့ အချိန်အတိုအတွင်းမှာ ဤကျောင်းတော်ကြီး တိုးတက်အောင်မြင်လာခဲ့ခြင်းသည် ဆရာဒကာ ညီညွတ်ကြသည့် အတွက်ကြောင့်သာ ဖြစ်ကြောင်း၊ ဆရာကလည်း ဓမ္မဖြင့် ချီးမြှောက် စောင့်ရှောက်ပေးနေသကဲ့သို့ ဒကာကလည်း အာမိသဖြင့် ထောက်ပံ့လှူဒါန်း ပေးနေကြသဖြင့် တာဝန်ကိုယ်စီ ကျေပွန်ကာ အဖုအထစ်မရှိ အောင်မြင်မှု ရနေခြင်း ဖြစ်ကြောင်း၊ သေချာတွေးကြည့်လျှင် ယခုကဲ့သို့ ဘုန်းတော်ကြီးကျောင်းနှင့် ပတ်သက်၍ ဝိုင်းဝန်းလှုပ်ရှား ပေးနေကြခြင်းသည် ဘယ်သူဘယ်သူ့အတွက်မှ မဟုတ်ကြောင်း၊ ဆရာတော်အတွက်လည်း မဟုတ်သလို ဒကာအတွက်လည်း မဟုတ်ကြောင်း၊ ဗုဒ္ဓမြတ်စွာသာသနာတော်ကြီးနှင့် ဗုဒ္ဓယဉ်ကျေးမှုများဖြင့် ထုံလွှမ်းထားသည့် မြန်မာလူမျိုးများ အတွက်သာ ဖြစ်ကြောင်း၊ ဆရာတော်ကိုယ်တိုင်ပင် ယခုကဲ့သို့ ဒယ်ဂူးမြို့ စိတ္တသုခ မြန်မာဘုန်းတော်ကြီး ကျောင်းတွင် သီတင်းသုံး နေထိုင်ပေးနေသည့် ရည်ရွယ်ချက်မှာ (၁) ကိုရီးယားရောက် မြန်မာများအတွက် (၂) ထေရဝါဒဗုဒ္ဓဘာသာကို စိတ်ဝင်းစားကြသည့် ကိုရီးယားများအတွက် နှင့် (၃) မြန်မာကိုရီးယားတို့၏ လှူဒါန်းမှုများကို အသုံးပြုကာ မြန်မာပြည်တွင်းရှိ ပရဟိတ လုပ်ငန်းများအတွက်သာ ဖြစ်ကြောင်း၊ မိမိအတွက်ဆိုလျှင်ကား မည်သည့်နေရာတွင်မဆို နေထိုင်သီတင်းသုံးနိုင်ပါကြောင်း၊ ထို့ကြောင့် ယခုကဲ့သို့ ဆရာဒကာ ညီညွတ်စွာ ဆောင်ရွတ်ခဲ့သဖြင့် အောင်ပွဲရနေခြင်းများသည် မိမိတို့အတွက် မဟုတ်ကြသဖြင့် ဆက်လက်၍လည်း ညီညီညွတ်ညွတ်ဖြင့် အောင်ပွဲအလီလီ စွပ်ခူးနိုင်အောင် ကြိုးစားကြရမှာ ဖြစ်ကြောင်း စသည်ဖြင့် သြဝါဒစကား မိန့်ကြားပေးခဲ့ပါသည်။

မှန်ပါသည်။ ဆရာတော် အမိန့်ရှိသကဲ့သို့ပင် ကျွန်တော်တို့ကလည်း ဤကျောင်းတော်ကြီး ရေရှည်တည်တံ့ ခိုင်မြဲရေးအတွက် တစ်တတ်တစ်အား ပူးပေါင်းပါဝင်ကြရမည် ဖြစ်ပါသည်။ မိမိတို့အတွက် ကြိုးစားခြင်းမဟုတ်ဘဲ အမျိုးဘာသာ၊ သာသနာနှင့် နိုင်ငံအတွက် ကြိုးစားခြင်း ဖြစ်သဖြင့် ကျောင်းတော်နှင့်ပတ်သက်သည့် ကိစ္စများတွင် တစ်နိုင်တစ်ပိုင် ပါဝင်ဆောင်ရွတ်ကြရမည် ဖြစ်ပါသည်။ နှမ်းတစ်စေ့ဖြင့် ဆီမဖြစ်နိုင်သော်လည်း နှမ်းစေ့ပေါင်းများလာသည့် အခါ ဆီအဖြစ် စားသုံးနိုင်ကြည် ဖြစ်သဖြင့် နှစ်တစ်စေ့လောက်ဖြစ်ဖြစ် ကုသိုလ်ပါဝင်ကြရမည် ဖြစ်ပါသည်။ ဆရာတော်၏ မေတ္တာဓာတ်ကို ခံယူးရင်း ဆရာတော်၏ သာသနာပြု လုပ်ငန်းများတွင် ပံ့ပိုးလှူဒါန်းပြီး ကျောင်းတော်ကြီး၏ ရပ်တည်ရေးအတွက်လည်း တစ်ထောင့်တစ်နေရာမှ တာဝန်ယူကြရမည် ဖြစ်ပါသည်။ ကျွန်တော်အမြင်အရ ပြောရလျှင် ဆရာတော်နှင့် ကျောင်းတော်အတွက် ကျွန်တော်တို့၏ ပံ့ပိုးလှူဒါန်းမှုများသည် ကုသိုလ်လည်းရ ပရဟိတလည်း လုပ်ဖြစ်သည့် ပံ့ပိုးလှူဒါန်းမှုများပင် ဖြစ်ပါသည်။

ထို့ကြောင့် အချုပ်အားဖြင့် ပြောလိုသည်မှာ စိတ္တသုခ မြန်မာဘုန်းတော်ကြီးကျောင်း တည်ထောင်ခြင်း (၂)ပြည့်အထိမ်း အမှတ်အဖြစ် ကျင်းပပြုလုပ်ခဲ့သည် ဓမ္မဒူတ အရှင်ဆေကိန္ဒ၏ အထူးတရားပွဲသည် ကျွန်တော်တို့ဆရာနှင့် ကျွန်တော်တို့ ဒကာများအတွက် ဓမ္မအလှူ၊ အာမိသအလှူ၊ သာသနာပြု အလှူ ဖြစ်ခဲ့သည့် ဆရာဒကာတို့၏ နှစ်ပတ်လည် အောင်ပွဲတစ်ခု ဖြစ်ကြောင်း၊ ထိုအောင်ပွဲမှသည် နောင်လာမည့် နှစ်များတွင်လည်း နှစ်စဉ်နှစ်စဉ် ယခုကဲ့သို့ အောင်ပွဲများကို ကျင်းပနိုင်ရန် ဆရာဒကာ ညီညွတ်စွာဖြင့် ပူပေါင်းပါဝင် ကုသိုလ်ရှင်များ ဖြစ်ကြစေရန် ကြိုးစားရမည် ဖြစ်ပါကြောင်း စသည်ဖြင့် ပြောကြားရင်း ဘုန်းတော်ကြီးကျောင်း တည်ထောင်ခြင်း (၂)ပြည့် အောင်ပွဲကို ဆရာတော်ဒကာတို့၏ အောင်ပွဲ (၂)အဖြစ် တင်စားကာ မှတ်တမ်းတင် ဂုဏ်ပြုလိုက်ရပါသည်။
စိတ္တသုခ၊ ပြည့်စုံကြ၊ ဒုက္ခထွေထွေ၊ ကင်းပါစေ…

မေတ္တာဖြင့် ကပ္ပိယဆန်းကြယ်

READ MORE......

ကထိန်အကြောင်း သိကောင်းစရာ…

မကြာမီ သီတင်းကျွတ်တော့မှာ ဖြစ်သလို ပုရိမ၀ါဆိုဝါကပ် ပြုတော်မူနေကြတဲ့ သံဃာတော်အရှင် မြတ်များရဲ့ ၀ါတွင်းကာလလည်း ကုန်ဆုံးတော့မှာ ဖြစ်ပါတယ်။ သီတင်းကျွတ်ပြီးတဲ့နောက် မြန်မာဗုဒ္ဓဘာသာဝင်တွေ အတွက် ဘာသာရေးဆိုင်ရာ ကုသိုလ်ပွဲတစ်ခုအဖြစ် ကထိန်အလှူပွဲတွေက ထပ်ပြီးရောက်လာကြတော့မှာ ဖြစ်ပါတယ်။ သီတင်းကျွတ် လပြည့်ကျော် (၁)ရက်နေ့ကစပြီး တန်ဆောင်မုန်း လပြည့်နေ့အထိ (၁)လတာ ကာလကို ကထိန်အလှူပွဲ ကျင်းပရာ ကာလအဖြစ် သတ်မှတ်ကြကာ မြန်မာနိုင်ငံတ၀ှန်းလုံးရှိ အနယ်နယ်အရပ်ရပ်မှာ ကထိန်ပွဲတွေကို ကြီးကြီးကျယ်ကျယ် ခမ်းခမ်းနားနား ကျင်းပပြုလုပ်ကြတော့မှာ ဖြစ်ပါတယ်။

.ကထိန်ပွဲတွေ လုပ်ကြတော့မယ်ဆိုတော့ ဘာရယ်မဟုတ်ဘူး သူ့ထက်ငါ အပြိုင်အဆိုင် လုပ်ချင်ကြတာပဲ သိတာများနေပြီး ဘာကြောင့်လုပ်တယ်၊ ဘယ်လိုအဓိပ္ပါယ်နဲ့ လုပ်ကြတယ်ဆိုတာ အတော်များများ မသိကြဘူး ဖြစ်နေတတ်ပါတယ်။ ကထိန်ဆိုရင် ပဒေသာပင်ကြီးတွေ သီးပြီး ဆိုင်းသံဘုံသံ တညံညံနဲ့ အနယ်နယ်အရပ်ရပ်မှာ လှည့်လည်ကာ နောက်ဆုံးဘုန်းကြီးကျောင်းကို ပို့ဆောင်လှူဒါန်းကြတဲ့ပွဲလို့ အများက သိနေတတ်ကြပါတယ်။ ကထိန်ဆိုတာဘာလဲ…၊ ဘာကြောင့် ဒီအလှူကို ကထိန်လို့ ခေါ်တာလဲ…၊ ကထိန်ခင်းတယ်ဆိုတာ ဘာကိုပြောတာလဲ… စသဖြင့် မေးလာခဲ့မယ်ဆိုရင်တော့ တိတိကျကျ ပြောဆိုရှင်းပြဖို့ ခက်တတ်ကြပါတယ်။ ဒါကြောင့် ကထိန်နဲ့ ပတ်သက်တဲ့ သိသင့်သိထိုက်တာလေးတွေ သိထားဖို့ ကထိန်အကြောင်း သိကောင်းစရာ ဆိုတဲ့ ဒီပို့စ်လေးကို ကထိန်ကာလ မတိုင်မီ ကြိုတင်ရေးသားတင်ပြရခြင်း ဖြစ်ပါတယ်။

ကထိန်ဖြစ်ပေါ်လာပုံ
မြတ်စွာဘုရားရှင် သာဝတ္ထိပြည်၊ ဇေတ၀န် ကျောင်းတော်မှာ သီတင်းသုံးနေတော်မူနေတဲ့ အချိန်တုန်းက ဖြစ်ပါတယ်။ အာရညကဓုတင်၊ ပိဏ္ဍပါတဓုတင်၊ ပံ့သုကူဓုတင်၊ တိစီဝရိတ်ဓုတင်ကို ဆောက်တည်ကြတဲ့ ပါဝေယျကတိုင်းသား ရဟန်းတော် အပါးသုံးဆယ်ဟာ မြတ်စွာဘုရားရှင်ကို ဖူးမျှော်ဖို့ အလွန်ဝေးတဲ့ အရပ်ကနေ သာဝတ္ထိပြည်ကိုလာရင်း လမ်းမှာဝါဆိုရမယ့်နေ့ နီးလာတဲ့အတွက် သာဝတ္ထိပြည်အထိ မသွားနိုင်တော့ဘဲ သာဝတ္ထိပြည်နဲ့ ယူဇနာ (၆၀)ဝေးကွာတဲ့ သာကေတမြို့မှာပဲ ၀ါဆိုလိုက်ရတဲ့ အဖြစ်နဲ့ ကြုံခဲ့ရပါတယ်။ အဲဒီရဟန်းတော်များဟာ ဘုရားရှင်သီတင်းသုံးတော်မူရာ သာဝတ္ထိပြည်အနီးမှာ ရောက်နေပြီးမှ ဘုရားရှင်ကို မဖူးမျှော်ရပဲ ၀ါဆိုနေရတဲ့အတွက် စိတ်နှလုံး မပျော်မွေ့ပဲ ဖြစ်ခဲ့ရပါတယ်။ ဒီလိုနဲ့ ၀ါကျွတ်တဲ့အခါ ဘုရားရှိရာ အရပ်ကို ထွက်လာခဲ့ကြပါတယ်။ လမ်းခရီးမှာ မိုးကလည်း အလွန်ကြီးတဲ့အတွက် အဲဒီရဟန်းများ ၀တ်ရုံထားတဲ့ သင်္ကန်းနဲ့ ဓုတင်ဆောင် နှစ်ထပ်သင်္ကန်းများဟာ မိုးရေများနဲ့ အရမ်းကို စိုရွဲနေကြပါတယ်။ ဘုရားထံမှောက် ရောက်လာကြတဲ့ အဲဒီရဟန်းတော်များကို ဘုရားရှင်က ၀ါတွင်းကာလ ချမ်းချမ်းသာသာ သီတင်းသုံးခဲ့ရမှု ရှိမရှိ မေးမြန်းတဲ့အခါ ပါဝေယျကတိုင်းသား ရဟန်းတော် အပါးသုံးဆယ်ဟာ မိမိတို့ရဲ့ အဖြစ်ကို အကျိုးအကြောင်း လျှောက်ပြပါတယ်။

ဒီလို ရဟန်းတော်တို့ရဲ့ အခက်အခဲ အခြေအနေများကြောင့် မြတ်စွာဘုရားရှင်က “ရဟန်းတို့ ၀ါကျွတ်ပြီးသော ရဟန်းတို့အား ကထိန်ခင်းခြင်းငှါ ခွင့်ပြု၏၊ ရဟန်းတို့ ကထိန်ခင်းပြီးသော ရဟန်းတို့အား ထင်ရှားရှိသော ရဟန်းကို မပန်ကြားဘဲ ဒါယကာ အိမ်သို့သွားနိုင်ခြင်း၊ တိစီဝရိတ် အဓိဋ္ဌာန်တင်ထားသော သင်္ကန်းကို မယူဘဲ သွားနိုင်ခြင်း၊ ဂဏဘောဇဉ်ကို စားနိုင်ခြင်း၊ အလိုရှိတိုင်း အဓိဋ္ဌာန် ၀ိကပ္ပနာမပြုသော သင်္ကန်းကို ဆောင်နိုင်ခြင်း၊ ထိုကထိန်းခင်းသော ကျောင်း၌ သင်္ကန်းဖြစ်ပေါ်လာတိုင်း ကထိန်ခင်းသော ရဟန်းတို့အား ဖြစ်ရခြင်းဟူသော ဤငါးပါးသော အာနိသင်တို့ ရကုန်၏” စသဖြင့် မိန့်တော်မူကာ ကထိန်ခင်းခြင်းကို ခွင့်ပြုတော်မူပါတယ်။ ဒါဟာ ကထိန်ခင်းခြင်းနဲ့ ကထိန်သင်္ကန်းအလှူ ဖြစ်ပေါ်မှုရဲ့ အစပဲ ဖြစ်ပါတယ်။

ကထိန်ဆိုတာ
ကထိန်ဆိုတာ ကထိနဆိုတဲ့ ပါဠိစကားကို မြန်မာမှုပြုပြီး အလွယ်အသုံးပြုထားတဲ့ ပါဠိပျက် ဝေါဟာရစကားလုံး ဖြစ်ပါတယ်။ ကထိနရဲ့ အဓိပ္ပါယ်က ခိုင်မြဲခြင်း၊ မြဲမြံခြင်းလို့ အဓိပ္ပါယ်ရပါတယ်။ ဆိုလိုတာက ကထိန်ဆိုတာ ၀ါဆိုလပြည့်ကျော် (၁)ရက်နေ့ကစပြီး သီတင်းကျွတ်လပြည့်နေ့ အထိ (၃)လတာ ၀ါဆိုဝါကပ် ပြုတော်မူပြီးကြတဲ့ ရဟန်းတော်များအား သင်္ကန်းဆက်ကပ်လှူဒါန်းပြီး ဒီသင်္ကန်းကို အလှူခံ ရရှိတဲ့ ရဟန်းတော်များဟာ ဒီသင်္ကန်းကို အကြောင်းပြုကာ ၀ိနည်းတော်များထဲက သိက္ခာပုဒ်အချို့ကို ကာလအပိုင်းအခြား တစ်ခုအနေနဲ့ ကင်းလွှတ်ခွင့်ဆိုတဲ့ အကျိုးအာနိသင်ကို သေချာပေါက် ခိုင်ခိုင်မြဲမြဲ ရစေနိုင်တဲ့ အတွက် ကထိန- ကထိန်လို့ ဆိုတာ ဖြစ်ပါတယ်။ ဒီကထိန်ခင်းတာဟာ အ၀တ်သင်္ကန်းနဲ့သာ ကထိန်ခင်းနိုင်တဲ့ အလှူဖြစ်တဲ့အတွက် ဒီသင်္ကန်းကိုလည်း ကထိန်သင်္ကန်း၊ ဒီအလှူကိုလည်း ကထိန်အလှူလို့ ဆိုခြင်းဖြစ်ပါတယ်။

ကထိန်ခင်းတယ်ဆိုတာ
ဘယ်မြို၊ ဘယ်ကျောင်းမှာ ကထိန်သွားခင်းမလို့ ဆိုတဲ့ အပြောအဆိုအသုံး အနှုန်းကို လူအတော်များများ ပြောဆိုသုံးစွဲတတ်ပါတယ်။ တကယ်တော့ ကထိန်ခင်းတာဟာ လူတွေက ခင်းရတာမဟုတ်ပါဘူး။ ရဟန်းတော်များကသာ ခင်းရတာ ဖြစ်ပါတယ်။ လူတွေက ရဟန်းတော်များ ကထိန်ခင်းနိုင်အောင် သင်္ကန်းကို လှူဒါန်းပေးတဲ့ ကထိန်သင်္ကန်း အလှူရှင်အဖြစ်ပဲ ခံယူနိုင်တာ ဖြစ်ပါတယ်။ ကထိန်ခင်းတာဟာ သံဃာတော်များရဲ့ အလုပ်ပဲ ဖြစ်ပါတယ်။ ကထိန်ခင်းဖို့အတွက် သံဃဿဒေမ ဆိုပြီး လှူဒါန်းလိုက်တဲ့ ဒီသင်္ကန်းကို သံဃာတော်များက သိမ်ထဲမှာ ကထိန်သင်္ကန်း အလှူခံမယ့် ကျောင်းမှာရှိတဲ့ ရဟန်းတော်တစ်ပါးကို သံဃာအများ သဘောတူမှုနဲ့ ရွေးချယ်ပြီး သင်္ကန်းအလှူရှင်များ လှူဒါန်းထားတဲ့ အဲဒီသင်္ကန်းကို ကမ္မ၀ါစာနဲ့ ရွတ်ဖတ်ကာ ပေးကြရပါတယ်။ အဲဒီလို ကမ္မ၀ါစာနဲ့ ရွေးချယ်ပေးလာတဲ့ သင်္ကန်းကို အလှူခံရရှိလာတဲ့ ရဟန်းတော်ဟာ မိမိဝါဆိုရာကျောင်းမှာ ပြန်ပြီးဒီသင်္ကန်းကို ခင်းရပါတယ်။

ခင်းတယ်ဆိုတာ သင်္ကန်းကို အောက်မှာချခင်းတာ မဟုတ်ပါဘူး။ စွန့်သင့်တဲ့သင်္ကန်းကို စွန့်၊ အဓိဋ္ဌာန်တင်သင့်တဲ့ သင်္ကန်းကို တင်ပြီး လက်ရှိအလှူခံ ရရှိလာတဲ့ သင်္ကန်းကို ၀ိနည်းကြောင်းအရ လိုက်နာပြုကျင့်တာကို ပြောတာဖြစ်ပါတယ်။ အဲဒီခင်းထားတဲ့ အကျိုးအာနိသင်ကိုလည်း အဲဒီကျောင်းတိုက်မှာ ရှိတဲ့ အခြားသံဃာတော်များကို အနုမောဓနာပြု သာဓုခေါ်စေပြီး ၀ိနည်းကြောင်းအရ သတ်မှတ်ထားတဲ့ ကထိန်အာနိသင် ငါးမျိုးကို အညီအမျှ ရစေတာဖြစ်ပါတယ်။ ဒီလို ကမ္မ၀ါစာနဲ့ သင်္ကန်းပေးပြီး မိမိဝါဆိုရာ ကျောင်းတိုက်မှာ ကထိန်ပြန်ခင်းကာ အတူတူဝါဆိုဝါကပ် ပြုကြတဲ့ အခြားရဟန်းတော်များနဲ့အတူ အကျိုးအာနိသင်ကို ရယူတဲ့ အစီအစဉ်ကိုပဲ ခြုံငုံပြီး ကထိန်ခင်းတယ်လို့ ဆိုခြင်းဖြစ်ပါတယ်။ ဒါကြောင့် ကထိန်ခင်းတယ်ဆိုတာ လူတွေက ခင်းရတာမဟုတ်ဘဲ ကထိန်ခံ ရဟန်းက ခင်းရတာလို့ ဆိုခြင်းဖြစ်ပါတယ်။

ပြီးတော့ ကထိန်းသင်္ကန်းဟာ ဒီနေ့အလှူခံပြီး ဒီနေ့ပဲ အပြီးကံဆောင်ကာ ခင်းရတာဖြစ်ပါတယ်။ ဒီနေ့အလှူခံပြီး နောက်နေ့တွေမှ ခင်းရင် ကထိန်ခင်းရာ မမြောက်ပါဘူး။ မသိုးသင်္ကန်းဆိုတာ ညလွန်သွားတဲ့ သင်္ကန်းမျိုး မဟုတ်တာကို ပြောတာ ဖြစ်ပါတယ်။ ဒီလို မသိုးသင်္ကန်းဖြစ်မှလည်း ကထိန်ခင်းနိုင်တာ ဖြစ်ပါတယ်။ သင်္ကန်းကလွဲပြီး တစ်ခြားပစ္စည်းများနဲ့လည်း ကထိန်ခင်းလို့ မရပါဘူး။ ဒီလိုဆိုတော့ တခြားပပေဒသာပင် သီးပြီးလှူတဲ့ အလှူပစ္စည်းများဟာ အခြံအရံ လှူဖွယ်ပစ္စည်းများပဲ ဖြစ်ပါတယ်။ ဒီပစ္စည်းများ၊ ပဒေသာပင်များဟာ ကထိန်ခင်းထိုက်တဲ့ အရာများ မဟုတ်ပါဘူး။ အလိုရှိသလို အသုံးပြုနိုင်တဲ့ အသုံးအဆောင်ပစ္စည်း အလှူများပဲ ဖြစ်ပါတယ်။

ကထိန်ခင်းနိုင်တဲ့ သင်္ကန်းနဲ့ ကထိန်သင်္ကန်းလှူဒါန်းနိုင်သူများ
ဝိနည်းကြောင်းအရ ကထိန်းခင်းနိုင်တဲ့ သင်္ကန်းအမျိုးအစားဟာ ကြိုတင်လှူဒါန်းထားခြင်း မဟုတ်ဘဲ သီတင်းကျွတ်လပြည့်ကျော် (၁)ရက်နေ့မှ တန်ဆောင်မုန်းလပြည့်နေ့အထိ တစ်လအတွင်းမှာ လှူဒါန်းတဲ့ ဒီနေ့လှူ ဒီနေ့ခင်းရမယ့် ညမလွန်တဲ့ မသိုးသင်္ကန်း ဖြစ်ရပါမယ်။ အဲဒီလို သင်္ကန်းမျိုးဆိုရင် သင်္ကန်းသုံးထည်လို့ ခေါ်တဲ့ အပေါ်ရုံ ကိုယ်ဝတ် ဧကသီသင်္ကန်း၊ အောက်ခါးဝတ် သင်းပိုင်သင်္ကန်းနဲ့ ပုခုံးတင် နှစ်ထပ်ဒုကုဋ်သင်္ကန်း တွေထဲက သင့်တော်ရာ တစ်မျိုးမျိုးနဲ့ ခင်းနိုင်ပြီး ဒီသင်္ကန်းအလှူကိုတော့ ရဟန်း၊ ရှင်၊ လူ ဘယ်သူမဆို လှူဒါန်းနိုင်ပါတယ်။

အကြောင်းစုံမှ ခင်းလို့ရ
ကထိန်အလှူဟာ အမြတ်ဆုံး အလှူဖြစ်သလို ကထိန်အလှူ မြောက်ဖို့ဆိုတာလည်း ခက်ခဲတဲ့ သဘောရှိပါတယ်။ ဆရာဒကာ နားလည်မှုနဲ့ အကြောင်းစုံ ညီညွတ်မှ ဒီအလှူ အထမြောက် အောင်မြင်တာ ဖြစ်ပါတယ်။ တကယ်လို့ ၀ါကျွတ်ပြီးတဲ့ ရဟန်းသံဃာတော် တစ်ပါးပါးဟာ မိမိကျောင်းမှာ ကထိန်မရှိ၊ ကထိန်သင်္ကန်း လှူဒါန်းသူမရှိလို့ ဆိုပြီး နီးစပ်ရာ၊ ကြည်ညိုရင်းနှီးရာ ပုဂ္ဂိုလ်တစ်ဦးဦးထံမှာ သွားပြီး အလှူခံကာ မိမိတို့ ပယောဂကြောင့် ရလာတဲ့ သင်္ကန်းဖြစ်ခဲ့မယ်ဆိုရင် အဲဒီသင်္ကန်းနဲ့ ကထိန်ခင်းလို့ မရပါဘူး။ ကထိန်သင်္ကန်းဟာ ရဟန်းတော်များ အနေနဲ့ တိုက်ရိုက်အလှူခံကောင်းတဲ့ သင်္ကန်းလည်း မဟုတ်ပါဘူး။ ကထိသင်္ကန်း အလှူရှင်က မိမိအလိုလို နားလည်သဘောပေါက်ပြီး သံဃာဿဒေမ - သံဃားတော်အား လှူဒါန်းပါ၏လို့ သံဃာကို ရည်မှန်းပြီး လှူဒါန်းတဲ့ သင်္ကန်းနဲ့သာ ကထိန်ခင်းနိုင်တာ ဖြစ်ပါတယ်။ အရှင်ဘုရားအတွက်၊ ဘယ်ဆရာတော်အတွက် စတဲ့ ပုဂ္ဂိုလ်ရည်မှန်းပြီး လှူဒါန်းတဲ့ ပုဂ္ဂလိက အလှူသင်္ကန်းနဲ့ဆိုလည်း ကထိန်းမခင်းနိုင်ပါဘူး။ ရဟန်းတော်များဘက်က ပယောဂကင်းဖို့လိုသလို သင်္ကန်းအလှူရှင်ဘက်ကလည်း သံဃိက အလှူဖြစ်ဖို့လိုကာ ဒီလို နှစ်ဘက်နားလည် ညီညွတ်မှုနဲ့ ရလာတဲ့ သင်္ကန်းနဲ့သာ ကထိန်ခင်းနိုင်တာ ဖြစ်ပါတယ်။ နောက် ကာလသတ်မှတ်ချက်ကလည်း တစ်နှစ်မှာ တစ်ခါ၊ တစ်ခါမှာ သင်္ကန်းကျွတ်လပြည့်ကျော် (၁)ရက်နေ့မှ တန်ဆောင်မုန်းလပြည့်နေ့အထိ တစ်လ၊ တစ်လမှာလည်း ၀ါဆိုရာ နယ်နိမိတ် သတ်မှတ်ချက်မတူတဲ့ ကျောင်းတစ်ကျောင်းမှာ တစ်ကြိမ်ပဲ ခင်းနိုင်တာ ဖြစ်ပါတယ်။ ပြီးတော့ ကထိန်ခင်းဖို့အတွက် သိမ်ရှိဖို့လိုသလို လေးပါးလေးပါးအထက် ရှိတဲ့သံဃာ အရေအတွက် ပြည့်မီဖို့လည်း လိုပါတယ်။ ဒီလို အကြောင်းအချက်အလက် စုံမှပဲ ကထိန်ခင်းမှု အထမြောက်တယ်၊ ကထိန်အလှူ အောင်မြင်ပြီးမြောက်တယ်လို့ ဆိုတာ ဖြစ်ပါတယ်။

ကထိန်အလှူရဲ့ ထူးခြားမှု
ဘုရားအစရှိတဲ့ အရိယာသူတော်ကောင်းတွေရဲ့ ချီးမွမ်းမှုကို ခံယူထိုက်တဲ့အတွက် ဒီအလှူကို ကထိန်လို့ ဆိုကြောင်း အဋ္ဌကထာဆရာတော်က ဖွင့်ဆိုပါတယ်။ ဒီလိုဖွင့်ဆိုရတာကလည်း အကြောင်းရှိပါတယ်။ ဒီအလှူဟာ
၁။ သံဃာကို ရည်မှန်းပြီး လှူဒါန်းတဲ့ သံဃိကအလှူ ဖြစ်ရခြင်း
၂။ အချိန်ကာလ သတ်မှတ်ချက် အတွင်းမှာသာ လှူဒါန်းရတဲ့ ကာလဒါန အလှူဖြစ်ခြင်း
၃။ တစ်ခြားပစ္စည်းဝတ္ထုများ မဟုတ်ဘဲ အရဟတ္တဓဇ ခေါ် ရဟန္တာတို့ရဲ့ အလံတံခွန်သဖွယ် ဖြစ်တဲ့ အ၀တ်သင်္ကန်းနဲ့သာ ကထိန်ခင်းနိုင်ခြင်း
၎။ ဒီအလှူကို အကြောင်းပြုပြီး ရဟန်းတော်များအား ၀ိနည်းသိက္ခာပုဒ် အချို့ကို အချိန်ကာလ တစ်ခုအရ ကင်းလွတ်စေနိုင်တဲ့ အတွက် ၀ိနည်းအလှူ သို့မဟုတ် တရားအလှူခေါ် ဓမ္မဒါန အလှူဖြစ်ခြင်း စတဲ့ ထူးခြားချက်များကြောင့် အမြတ်ဆုံးအလှူ၊ အထူးခြားဆုံး အလှူလို့ ဖွင့်ဆိုပြခြင်း ဖြစ်ပါတယ်။

ကထိန်အလှူရဲ့ အကျိုးတရား
ဒီအလှူရဲ့ လက်တွေ့အကျိုးကတော့ သင်္ကန်းအလှူခံ ရရှိတဲ့ ရဟန်းတော်များဟာ ကထိန်အာနိသင် ရလိုက်တဲ့အတွက် သီတင်းကျွတ်လပြည့်ကျော် (၁)ရက်နေ့ကစပြီး တပေါင်းလပြည့်နေ့အထိ (၅)လအတွင်းမှာ
၁။ ထင်ရှားရှိသော ရဟန်းကို မပန်ကြားဘဲ ဒါယကာ အိမ်သို့သွားနိုင်ခြင်း
၂။ တိစီဝရိတ် အဓိဋ္ဌာန်တင်ထားသော သင်္ကန်းကို မယူဘဲ သွားနိုင်ခြင်း
၃။ ထမင်းစားလာပါ၊ မုန့်စားကြွပါ စတဲ့ လူ့အခေါ်အပြောနဲ့ ပင့်ဖိတ်တဲ့ ဂဏဘောဇဉ်ကို စားနိုင်ခြင်း
၎။ အလိုရှိတိုင်း အဓိဋ္ဌာန် ၀ိကပ္ပနာမပြုသော သင်္ကန်းကို ဆောင်နိုင်ခြင်း
၅။ ကထိန်ခင်းတဲ့ကျောင်းမှာ သံဃိက သင်္ကန်းဖြစ်ပေါ်လာတဲ့အခါ ကထိန်အာနိသင်ရတဲ့ ရဟန်းအားလုံး ရယူနိုင်ခြင်း ဆိုတဲ့ အကျိုးတရား ငါးပါးကို ရရှိနိုင်ပါတယ်။

လူပုဂ္ဂိုလ်များအတွက်ကတော့ ကထိန်သင်္ကန်း လှူဒါန်းခြင်းကို အကြောင်းပြုပြီး
၁။ သင်္ကန်းအလှူ လှူဒါန်းခွင့်ရခြင်း (စီဝရဒါန)
၂။ သံဃိကအလှူ လှူခွင့်ရခြင်း (သံဃိကဒါန)
၃။ ကာလဒါန အလှူလှူခွင့်ရခြင်း (ကာလဒါန)
၎။ ဓမ္မဒါနအလှူ လှူခွင့်ရခြင်း (ဓမ္မဒါန) စတဲ့ အကျိုးတရားများကို ရစေနိုင်တဲ့အပြင် ရဟန်းတော်များအား အထက်ပါ ကထိန်အာနိသင် အကျိုးတရား ငါးမျိုးကို ရစေနိုင်သလို ကထိန်သင်္ကန်း လှူဒါန်းတဲ့ အလှူရှင်များမှာလည်း ထိုအကျိုးနဲ့ ထပ်တူစွာ လွတ်လပ်တဲ့ဘ၀မျိုးမှာ ဖြစ်ရခြင်း၊ ထောင်တန်းအချုပ်အနှောင်မှ ကင်းလွတ်ခြင်း၊ စားဖွယ်သောက်ဖွယ် ပေါများကာ အလိုရှိသလို စားသုံးနိုင်ခြင်း၊ မိမိကိုယ်ကို သူတပါးတို့ မလွမ်းမိုးနိုင်ခြင်း၊ မိမိကသာ နေရာတကာ အစိုးရခြင်း စသော အကျိုးတရားများကိုလည်း ရရှိစေနိုင်ပါတယ်။ အထူးကတော့ ရှားရှားပါးပါး ခက်ခက်ခဲခဲ လှူဒါန်းရတဲ့အလှူ ဖြစ်တဲ့အတွက် ရဖို့ခဲရင်းတဲ့ အရာတွေကို ရနိုင်ပြီး နောက်ဆုံး အခက်ခဲဆုံးဖြစ်တဲ့ မဂ်ဖိုလ်နိဗ္ဗာန်ရဖို့ကိုပါ အထောက်အကူပေးနိုင်တဲ့ အကျိုးတရားပဲ ဖြစ်ပါတယ်။ ဒါကြောင့် သူတော်ကောင်းများက ဒီကထိန်အလှူဟာ အကောင်းဆုံးနဲ့ အမြတ်ဆုံးအလှူလို့ ဆိုကြတာ ဖြစ်ပါတယ်။

ဒီလောက်ဆိုရင် ကထိန်နဲ့ ပတ်သက်တဲ့ သိသင့်သမျှကို အနည်းငယ်မျှ သိရှိခွင့် ရလောက်မယ်လို့ မျှော်လင့်မိပါတယ်။ တစ်ချို့အကြောင်းအရာများဟာ အကျယ်ရှင်းပြဖို့ လိုပေမယ့် လူတွေအတွက်တော့ ကထိန်နဲ့ ပတ်သက်ပြီး ဒီလောက်သိထားရင်ကိုပဲ ကထိန်အလှူအကြောင်း၊ ကထိန်လုပ်ရခြင်းအကြောင်း၊ ကထိန်အလှူရဲ့ အကျိုးတရားများအကြောင်း အတော်အသင့် ပြောဆိုဆွေးနွေးနိုင်ကြမှာ ဖြစ်ပါတယ်။ အကျယ်သိလိုသူတွေ အနေနဲ့တော့ ၀ိနည်းမဟာဝဂ္ဂပါဠိတော်၊ ကထိနက္ခန္ဓကမှာ ကြည့်ရှုနိုင်ပါကြောင်း ညွှန်းဆိုလိုက်ပါတယ်။

READ MORE......