Saturday, October 16, 2010

စုပေါင်းကထိန်အလှူပွဲကျင်းပမည်

ဒယ်ဂူးမြို့၊ စိတ္တသုခ မြန်မာဘုန်းတော်ကြီးကျောင်း ကျောင်းအကျိုးဆောင်အဖွဲ့နှင့် ကျောင်းဒကာဒကာမများ အများပေါင်းစု၍ ကျင်းပပြုလုပ်မည့် စုပေါင်းကထိန်အလှူ ကုသိုလ်ပွဲတွင် ကိုရီးရောက် မြန်မာထေရ၀ါဒ ရဟန်းတော်များအား ကထိန်သင်္ကန်းနှင့် ဆွမ်းစသော လှူဖွယ်ဝတ္ထုပစ္စည်းများ ဆက်ကပ်လှူဒါန်းပြီး ကြွရောက်လာကြသော ဧည့်ပရိတ်သတ် အပေါင်းတို့အားလည်း စားသောက်ဖွယ်ရာ အဖြာဖြာတို့ဖြင့် ကျွေးမွေးဧည့်ခံကာ ဆရာတော်များ ဟောကြားချီးမြှင့် တရားဓမ္မကို အတူတကွ ကုသိုလ်ယူ နာကြားကြမည် ဖြစ်ပါသဖြင့် ရပ်နီးရပ်ဝေးရှိ မြန်မာဒကာ၊ ဒကာမအပေါင်းတို့အား အောက်ပါအစီအစဉ်အတိုင်း ကြွရောက်ကြပါရန် လေးစားစွာဖြင့် အသိပေး ဖိတ်ကြားအပ်ပါသည်။

နေ့ရက် = ၃၁-၁၀-၂၀၁၀ (တနင်္ဂနွေနေ့)
တရားနာချိန် = နေ့လယ် ၁ နာရီ
ဧည့်ခံကျွေးမွေးချိန် = မနက် ၉ နာရီမှ နေ့လယ် ၃ နာရီအထိ (အထူးစပါယ်ရှင် ဒံပေါက်ထမင်း)
နေရာ = စိတ္တသုခ မြန်မာဘုန်းတော်ကြီးကျောင်း၊ ဒယ်ဂူးမြို့

မှတ်ချက် ။ ။ ကထိန်သင်္ကန်း လှူဒါန်းလိုသူများသည် အလှူနေ့တွင် ဘုန်းတော်ကြီးကျောင်း အလှူခံဌာနတွင် သင်္ကန်းတစ်စုံလျှင် ၀မ် ၃၀၀၀၀ (သုံးသောင်း)ဖြင့် ကိုယ်တိုင်ကိုယ်ကျ ဆက်ကပ်လှူဒါန်းနိုင်ပြီး ရဟန်းတော်များနှင့် အပ်စပ်သည့် အသုံးအဆောင် ပစ္စည်းများကို ပဒေသာပင်သီးကာ လှူဒါန်းလိုပါကလည်း ဘုန်းတော်ကြီးကျောင်းရှိ ဘုံပဒေသာပင်တွင် ကိုယ်တိုင်သီးပြီး လှူဒါန်းနိုင်ကြပါသည်။

0 comments:

Recent Posts Widget | Webaholic

RECENT POSTS

Grab this Widget

 
3 Columns Blogger Template by Amanda at BloggerBuster