Friday, January 22, 2010

ကျောင်းအကျိုးတော်ဆောင်အဖွဲ့ ၏ အစီရင်ခံစာ

မြန်မာညီအကို မောင်နှမအပေါင်းတို့ခင်ဗျာ.......

စိတ္တသုခ မြန်မာဘုန်းတော်ကြီးကျောင်းကို ကျွန်တော်တို့ ညီအကိုမောင်နှမများ စုပေါင်းတည်ထား ခဲ့သည်မှာ မကြာခင် ရက်အနည်းငယ်မှာ တစ်နှစ်ပြည့်မြောက်တော့မည် ဖြစ်ပါသည်။

ကျောင်းတော်ကြီးကို စတင် တည်ထောင်ခဲ့စဉ်က ဒေဂူးမြို့နှင် အနီးတဝိုက်မှ ဗုဒ္ဓဘာသာဝင်များ ဘာသာရေး ထုံးတမ်းအစဉ်အလာနှင့်အညီ ကုသိုလ်များ ပြုနိုင်ရန်၊ လူမှုရေးကိစ္စများ လွယ်လင့်တကူ ဆောင်ရွက်နိုင်ကြ စေရန် ၊ဘာသာရေး အသိအမြင်များ တိုးပွားသည်ထက် တိုးပွားလာကြစေရန် ရည်ရွယ်၍ တည်ထောင်ခဲ့ ကြပါသည်။

ယခုဆိုရင် ကျောင်းထိုင် ပဓာနနာယက ဆရာတော် ဦးဝိစိတ္တ သည် ပြည်တွင်းပြည်ပ သာသနာပြု တာဝန်ကို ထမ်းဆောင်နေပြီဖြစ်ပါသည်။ ဆရာတော်အနေနှင့် ကျွန်တော်တို့ ညီအကိုမောင်နှမများ စုပေါင်းကုသိုလ် ပြုထားသည့် ဤကျောင်းတော်ကြီး တွင် သီတင်းသုံးနေထိုင်နေသမျှ ကာလပတ်လုံး ကျွန်တော်တို့ ညီအကို မောင်နှမများအားလုံး အတွက် ကုသိုလ်တရားတွေ အလိုလျှောက် တိုးပွား ရရှိနေမယ်ဆိုတာ မြေကြီးလက်ခပ် မလွဲပါ။

ဆရာတော် စိတ်၏ချမ်းသာခြင်း၊ ကိုယ်၏ကျန်းမာခြင်းတို့ဖြင့် သာသနာတော် အကျိုးကို ထမ်းဆောင်နိုင်ရေး ကျွန်တော်တို့ညီအကိုမောင်နှမများ အားလုံးတွင် တာဝန်ရှိပါသည်။


သို့ပါ၍ ညီအကို မောင်နှမများအနေဖြင့် ကျောင်းတော်ကြီး ရေရှည်တည်တံ့ခိုင်မြဲရေး ဆရာတော်၏ သာသနာပြုလုပ်ငန်းများ တိုးတက် အောင်မြင်အောင် ဆောင်ရွက်နိုင် ရေး မိမိတို့ စွမ်းဆောင်နိုင်သည့်ဖက်မှ ဝိုင်းဝန်း ထိန်းသိမ်း စောင့်ရှောက်ပေးကြပါရန် မေတ္တာရပ်ခံအပ်ပါသည်။
တစ်နှစ်တာ ကာလအတွင်း ကျောင်းတော်ကြီးကို လှူဒါန်းခဲ့ကြသည့် ညီအကိုမောင် နှမများ၏ အလှူငွေများကို ဆရာတော်၏ ကြီးကြပ်ကွပ်ကဲမှု၊ တာဝန်ရှိသူများ၏ ညှိနှိုင်းတိုင်ပင်ဆောင်ရွက်မှုတို့ဖြင့် သုံးစွဲပြီးငွေစာရင်း၊ လက်ကျန်ငွေစာရင်းတို့ကို ထုတ်ပြန်ပေးပါမည်။ ဘဏ္ဍာရေး စည်းမျဉ်း၊ ငွေစာရင်းလုပ်ထုံးလုပ်နည်းများနှင့်အညီ ရေးဆွဲထုတ်ပြန်ခြင်းမဟုတ်ပါ၍ နားလည်ပေးကြပါရန် မေတ္တာရပ်ခံအပ်ပါသည်။

၂၀၀၉ ခုနှစ် စိတ္တသုခမြန်မာဘုန်းတော်ကြီးကျောင်း အလှူငွေ အရအသုံးစာရင်း
ရငွေစာရင်း(ဝမ်)
ကျောင်းဖြစ်မြောက်ရေးအတွက် စတင်ကောက်ခံရငွေ ......................၁၄၃၉၀၀၀၀
၁-၀၉ အလှူခံရငွေ ....................................................................၂၆၁၀၀၀
၂-၀၉ ..................................................................................၁၅၅၀၀၀၀
၃-၀၉ ..................................................................................၂၂၆၅၀၀၀
၎-၀၉ ..................................................................................၁၈၉၅၀၀၀
၅-၀၉ ....................................................................................၆၇၀၀၀၀
၆-၀၉ ..................................................................................၁၁၅၀၀၀၀
၇-၀၉(ဝါဆိုပွဲနှင့် အလှူခံပုံးတို့မှ အလှူခံရငွေ) ...................................၇၅၅၀၀၀
၁၂-၀၉(ဆရာတော်ပြန်လည်ရောက်ရှိလာပြီး လာရောက်
လှူဒါန်းကြသူများမှ အလှူငွေများ) .................................................၁၃၅၀၀၀၀
စုစုပေါင်း အလှူငွေများ ...........................................................၂၄၂၈၆၀၀၀

သုံးငွေစာရင်း(ဝမ်)
ကျောင်းစပေါ်ငွေ .....................................................................၃၀၀၀၀၀၀
ကျောင်းငှားပေးသူ ကိုရီးယားအကျိုးဆောင်အားပေးငွေ .........................၂၀၀၀၀၀
၁၀-၂၀၀၈ ပထမသုံးလစာ ကျောင်းလခ(တစ်လ-၃သိန်း) .......................၉၀၀၀၀၀
၂၀၀၉ တစ်နှစ်လုံးအတွက် ကျောင်းလခ(တစ်လ-၃.၅သိန်း) ..................၄၂၀၀၀၀၀
ဆရာတော်၏ဥပဇ္ဖါယ်ဆရာတော် ပျံလွန်တော်မူ၍ လှူဒါန်းငွေ ................၁၀၀၀၀၀၀
ကျောင်းဖွင့်ပွဲကျင်းပခြင်း ကုန်ကျငွေ ...............................................၁၅၇၀၀၀၀
သင်္ကြန်ပွဲကျင်းပခြင်း ကုန်ကျငွေ ......................................................၂၅၀၀၀၀
တစ်နှစ်တာအတွင်း ဝေယျာဝစ္စ၊အထွေထွေအသုံး ...............................၅၂၇၂၀၀၀
(ကျောင်းပြင်ဆင်စရိတ်၊မီးဖိုချောင်သုံးပစ္စည်းဝယ်၊ရေ၊မီး၊ဂက်စ်
အစရှိသည်အသုံးငွေများ)
စုစုပေါင်းကုန်ကျငွေ .................................................................၁၆၃၉၂၀၀၀

စာရင်းရှင်းလက်ကျန်ငွေ(ဝမ်)
(၁)စုစုပေါင်း အလှူရငွေများ ......................................................၂၄၂၈၆၀၀၀
(၂)စုစုပေါင်းကုန်ကျငွေများ .......................................................၁၆၃၉၂၀၀၀
(၃)လက်ကျန် ငွေသား {၁-၂}.......................................................၇၈၉၄၀၀၀
(၄)(ရရန်ရှိ) စပေါ်ငွေ ................................................................၃၀၀၀၀၀၀
စာရင်းရှင်း လက်ကျန်ငွေ စုစုပေါင်း {၃+၄} ..................................၁၀၈၉၄၀၀၀

ကျောင်းတော်ကြီးတစ်နှစ်ပြည့် နှစ်ပတ်လည်အခမ်းအနားတွင် မြန်မာပြည်ရှိ လူမှုရေးလုပ်ငန်းများသို့ ပရဟိတ္တ ဒါနကုသိုလ် ပြုမည်ဖြစ်ပါ၍ မိမိတို့ တတ်စွမ်းသမျှ အလှူဒါနပါဝင်ပေးကြပါရန် တိုက်တွန်း နိုးဆော်အပ်ပါသည်။
ကျောင်းအကျိုးတော်ဆောင်အဖွဲ့။

0 comments:

Recent Posts Widget | Webaholic

RECENT POSTS

Grab this Widget

 
3 Columns Blogger Template by Amanda at BloggerBuster