Thursday, November 13, 2008

စိတ္တသုခ မြန်မာဘုန်းတော်ကြီးကျောင်း

တောင်ကိုရီးယားနိုင်ငံအောက်ပိုင်း၊ ဒယ်ဂု၊ ဂင်မဲ၊ ဘူဆန်၊ အူလ်ဆန် စသည့် အရပ်ဒေသအသီးသီးတွင် လုပ်ငန်းတာဝန်များ ထမ်းဆောင်နေကြသည့် ရွှေမြန်မာများ ဘာသာရေး၊ လူမှုရေး၊ သာရေး၊ နာရေးအပါအ၀င် ဘာသာအကျိုး၊ လူမျိုးအကျိုး၊ နိုင်ငံအကျိုးများကို အခက်အခဲမရှိ အလွယ်တကူ ပြုလုပ်ဆောင်ရွက်နိုင်ရန် ရည်ရွယ်၍ “စိတ္တသုခ မြန်မာဘုန်းတော်ကြီးကျောင်း” ဟူသော အမည်ဖြင့် ဘုန်းတော်ကြီးကျောင်း တစ်ကျောင်းကို ဆရာတော်ဦးဝိစိတ္တ ဦးဆောင်မတည်လျက် စေတနာရှင်၊ ပါရမီရှင်တို့၏ မတည်လှူဒါန်းမှုဖြင့် မကြာမီကာလတွင် တည်ထောင်ဖွင့်လစ်သွားရန် အစီအစဉ်ရှိပါသည်။

ကျောင်းတော်၏တည်နေရာကိုလည်း ဒယ်ဂု၊ ဂင်မဲ၊ ဘူဆန်၊ အူလ်ဆန်စသည့် မည့်သည့်အရပ်ဒေသမှမဆို အလွယ်တကူသွားရောက် နိုင်မည့်နေရာဖြစ်ရန်နှင့် ကျောင်းတိုက်အတွက်၊ ရွှေမြန်မာများအတွက် လုံခြုံအေးချမ်းမည့် နေရာဖြစ်ရန်ကိုလည်း အတွေ့အကြုံရှိ သိကျွမ်းနားလည်မှုရှိသည့် ရွှေညီအစ်ကိုများနှင့် တိုင်ပင်ကာ အကောင်းဆုံးဖြစ်မည့် နေရာကို ဆရာတော်၏ သဘောဆန္ဒနှင့်အညီ စုံစမ်းရှာဖွေလျက်ရှိပါသည်။


နိုင်ငံခြားတိုင်းပြည်မှာ ဖြစ်သည့်အတွက် မိမိတို့နိုင်ငံလို မြေနေရာအဆောက်အဦသည် ကိုယ်ပိုင်ဖြစ်ရန် မဖြစ်နိုင်ပါ။ တတ်နိုင်သည့် ငွေကြေအင်းအားအပေါ်မူတည်၍သာ အဆောက်အဦကို ငှါးရမ်းပြီး ဘုန်းကြီးကျောင်း တည်ထောင် ရမှာဖြစ်သည့်အတွက် မိမိတို့ရှိထားသည့် မတည်အလှူငွေအင်အားများလျှင် များသလို ကျောင်းတော်၏ အနေအထားလည်း ကွာခြားသွားမည်ဖြစ်ပါသည်။ ဆရာတော်ကိုယ်တိုင်လည်း တတ်နိုင်သမျှ မတည်လှူဒါန်းထားပြီး ဖြစ်သလုို စေတနာရှင် အလှူရှင်များကလည်း တတ်နိုင်သမျှ ထည့်ဝင်လှူဒါန်းထားမှု များလည်း တဖြည်းဖြည်းတိုးတက်များ ပြားလာလျှက်ရှိပါသည်။ သို့ဖြစ်၍ အခြားစိတ်ပါဝင်စားသည့် မည်သူမဆို မိမိတို့ စေတနာရှိသလောက် သဒ္ဓါတတ်အား နည်းများမဆို ပါဝင်လှူဒါန်းနိုင်သည့် အကြောင်းကိုလည်း အသိပေးနှိုးဆော်အပ်ပါသည်။ တစ်ကြိမ်တည်း တစ်ခါးတည်း တစ်လုံးတစ်ခဲတည်း လှူရမည်မဟုတ်သည့် အတွက် မိမိတို့တတ်နိုင်သည့်အချိန် တတ်နိုင်သည့် အတိုင်းအတာဖြင့်သာ လှူဒါန်းကြရန် ဖြစ်ပါသည်။

တစ်ဆက်တည်းပင် စိတ္တသုခမြန်မာဘုန်းတော်ကြီးကျောင်း၏ ကျောင်းထိုင်ဆရာတော် ဆရာတော် ဦ၀ိစိတ္တ အကြောင်းကိုလည်း ကြည်ညိုနိုင်ရန် အကျဉ်းမျှ မိတ်ဆက်ဖော်ပြလိုက်ပါသည်။ ဆရာတော်သည် ပဲခူးတိုင်း၊ ဒိုက်ဦးဇာတိဖြစ်ပြီး ၁၃နှစ်သားတွင် ရှင်သာမဏေပြုကာ ဗုဒ္ဓစာပေများသင်ယူပြီး အစိုးစာမေးပွဲ အခြပြုမူလတန်း၊ ပထမငယ်တန်း၊ ပထမလတ်တန်၊ ပထမကြီးတန်းတို့ကို သာမဏေဘ၀ဖြင့် အောင်မြင်တော်မူ ခဲ့ပါသည်။ ပဲခူးမြို့ သာသနာ့မဏ္ဍိုင်ပါဠိတက္ကသိုလ်ကျောင်းတိုက်တွင် ကိုရင်ဘ၀ဖြင့် ဓမ္မာစရိယကျမ်းစာများ ၀ါတွင်းသုံးလပတ်လုံးသင်ယူပြီး ရန်ကုန်မြို့၊ ကမ္ဘာအေးကုန်းမြေ၊ နိုင်ငံတော်ပရိယတ္တသာသနာ့တက္ကသိုလ်သို့ ၀င်ခွင့်အောင်မြင်တက်ရောက်ခွင့်ရသဖြင့် ဓမ္မာစရိယကျမ်းစာများအပါဝင် အင်္ဂလိပ်၊ သမိုင်း၊ မြန်မာစာစသည့် လောကီစာပေများကို လေးနှစ်တာ လေ့လာသင်ယူအောင်မြင်ပြီးနောက် သာသနတက္ကသီလဓမ္မာစရိယ B.A (Buddhism)ဘွဲကို ရရှိတော်မူပြီး မဟာတန်း တက်ရောက်ခွင့်ပါ ရရှိခဲ့ပါသည်။ မဟာတန်းသင်ရိုး ၂နှစ်တက်ရောက်ပြီး မဟာဓမ္မာစရိယ M.A (Buddhism) ဘွဲ့ယူကျမ်းစာ ရေးနေစဉ် တစ်ဘက်ကလည်း နိုင်ငံတော်ပရိယတ္တိသာသနာ့တက္ကသိုလ်၊ အင်္ဂလိပ်စာဌာနတွင်၊ နည်းပြဆရာတာဝန်၊ ရန်ကုန်တိုင်း ကျောင်းထိုင်ဘုန်းကြီးသင်တန်းကျောင်းတွင် အင်္ဂလိပ်စာနည်းပြတာဝန်များကို ထမ်းဆောင်ကာ ဒကာဒကာမများကိုလည်း တရားဓမ္မာများ ဟောပြောပို့ချ သာသနာပြုတော်မူပါသည်။ ယခုအခါ ကိုရီးယားဗုဒ္ဓဘာသာဂိုဏ်းကြီးတစ်ခုဖြစ်သည့် ချွန်တေးဂိုဏ်းမှ တည်ထောင်ထားသည့် ထယ်ဂျုံး၊ နှုန်းဆန်းမြို့ရှိ Geumgang University တွင် စကော်လားရှစ်ပညာသင်ဆုဖြင့် နောက်ဆုံးနှစ် ဖိုင်နယ်တန်းတွင် တက်ရောက်လျှက်ရှိပါသည်။

ဆရာတော်သည် ကျောင်းတက်နေစဉ် ဒယ်ဂု၊ ဂင်မဲ၊ ဘူဆန်၊ အူလ်ဆန်စသည့် ရွှေမြန်များရှိသည့် အရပ်ဒေသအသီးသီးသို့ ကြွရောက်တရားတော်များ ဟောပေးလျက်ရှိသည့်အတွက် ရွှေမြန်မာများ၏ နေရေ၊ ထိုင်ရေး၊ သွားရေးလာရေး အခက်အခဲများကို သိရှိတော်မူပြီး ထိုအခက်အခဲများအဆင်ပြေနိုင်စေရန် အောက်ပိုင်းတွင် ကျောင်းတစ်ကျောင်းရှိစေလိုသည့် ဆန္ဒရှိတော်မူပြီး ယခုအခါ ယင်းဆန္ဒကို ဆရာတော်၏ ဦးဆောင်မတည်မှု၊ စေတနာရှင်ရွှေမြန်မာများ၏ ထည့်ဝင်လှူဒါန်းမှုဖြင့် စတင်အကောင်အထည် ဖော်လျှက်ရှိ ပါသည်။ ဆရာတော် ကျောင်းပြီးသည်နှင့်တစ်ပြိုင်နက် ယခုအကောင်အထည် ဖော်လျှက်ရှိသည့် “စိတ္တသုခ မြန်မာဘုန်းတော်ကြီးကျောင်း” တွင် ကျောင်းထိုင်ဆရာတော်အဖြစ် ကြွရောက်သီတင်းသုံး သာသနာပြုတော်မူ မည်ဖြစ်ပါသည်။

ဆရာတော်၏ ရည်ရွယ်ချက်မှာ ကိုရီးယားရောက် ရွှေမြန်မာများ၏ သာရေးနာရေး၊ ဘာသာရေးလူမှုရေးစသည့် အခက်အခဲများကို တတ်နိုင်သမျှ ဦးဆောင်ဖြေရှင်းဆောင်ရွက်ပေးရန်၊ တစ်ဘက်ကလည်း ကိုရီးယား ဗုဒ္ဓဘာသာများအား ထေရ၀ါဒတရားတော်များ ဟောပြောပို့ချ သာသနာပြုပေးရန်၊ ရွှေမြန်မာများအားလပ်ရက် ဖြစ်သည့် စနေတနင်္ဂနွေနေ့များတွင်လည်း ကိုရီးယား၊ အင်္ဂလိပ်၊ ကွန်ပြူတာစသည့် ဘာသာရပ်များကို စိတ်ဝင်စားသူများအား ပို့ချသင်ကြားပေးသွားရန်နှင့်၊ တရားဓမ္မများဟောပြောပြသ ပို့ချသင်ကြားပေးသွားရန်စသည်တို့ ဖြစ်ကြောင်း သိရှိရပါသည်။

ထို့ကြောင့် “စိတ္တသုခ မြန်မာဘုန်းတော်ကြီးကျောင်း” ဖြစ်ထွန်းပေါ်ပေါက်လာပါက မိမိတို့၏ လောကီလောကုတ္တရာ အကျိုးဖြစ်ထွန်းစေမည့် လမ်းများလည်း ပွင့်လင်းလာမည့်အကြောင်း သတင်းကောင်းပါးကာ အမြန်ဆုံးအကောင်အထည်ဖော်နိုင်ရန် မိမိတို့တက်နိုင်သည့်ဘက်က အားဖြည့်ပါဝင် ဆောင်ရွက်ပေးကြဖို့လည်း တိုက်တွန်းနှိုးဆော်လိုက်ရပါသည်။

0 comments:

Recent Posts Widget | Webaholic

RECENT POSTS

Grab this Widget

 
3 Columns Blogger Template by Amanda at BloggerBuster